Telegram karinform

Спорт

  • 31.05.2022 17:00
  • 421

Хош хабар! НМПИ қызлар волейбол командасы Өзбекстан чемпионы болды

 

Усы жылдың 24-31-май күнлери аралығында Жиззақ ўәлаятында спорттың волейбол түри бойынша XXIX Өзбекстан чемпионатының жуўмақлаўшы бесинши тур жарыслары болып өтти.

 

Февраль айында старт алған Өзбекстан бириншилигиниң дәслепки тур ойынларынан берли қарсылас командаларға ҳеш қандай имканият қалдырмай, упайлар бойынша бириншиликти қолдан бермей келген Қарақалпақстан Республикасының Әжинияз атындағы Нөкис мәмлекетлик педагогикалық институты қызлар сайланды командасы бесинши тур жарысларында да өзлериниң жоқары спорт шеберликлерин көрсетти.

 

Өткерилген бес тур нәтийжелерине муўапық, улыўма 58 упай менен Әжинияз атындағы Нөкис мәмлекетлик педагогикалық институты қызлар сайланды командасы волейбол бойынша XXIX Өзбекстан чемпионатының жеңимпазы болды.

 

Екинши орынды 53 упай топлаған Наманган, ал үшинши орынды 52 упай топлаған Әндижан ўәлаяты командалары ийеледи.

 

  

 

Чемпионаттың сыйлықлаў салтанатында бир қатар номинациялар бойынша да жеңимпазлар анықланып, олар арасында Әжинияз атындағы Нөкис мәмлекетлик педагогикалық институты қызлар сайланды командасы бас тренери Азат Казаков «Ең жақсы тренер», НМПИ волейбол командасы «Ең жақсы команда», команда ағзаларынан Индира Насратдинова «Ең жақсы ойыншы», Гүлбазар Нуранова «Ең жақсы тосықшы», Мақсуда Юлдашева «Ең жақсы команда сәрдары» номинациялары менен сыйлықланды.

 

Солай етип, волейбол бойынша XXIX Өзбекстан чемпионаты жеңимпазы болған Қарақалпақстан Республикасының Әжинияз атындағы Нөкис мәмлекетлик педагогикалық институты қызлар сайланды командасы ағзаларына диплом, алтын медальлар ҳәм чемпионлық кубогы салтанатлы түрде тапсырылды.

 

 

 

Ислам Матеков,

Karinform.uz.

Social

Усыныс етемиз

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Уқсас жаңалықлар

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

                                                                                                                                        Фото:uzа.uz     Усы жылдың 22-сентябрь сәнесинде «Ипотека кредитинен пайдаланыўда халыққа қосымша қолайлықлар жаратыў ис-ылажлары ҳаққында»ғы Президент

Қарақалпақстандағы халықтың жас категориялары бойынша статистикалық мағлыўмат (+инфографика)

Қарақалпақстандағы халықтың жас категориялары бойынша статистикалық мағлыўмат (+инфографика)

      Өзбекстан Республикасы статистика комитети Өзбекстан пуқараларының санын жас категориялары бойынша бөлип үйренген. Бул статистикалық мағлыўматларды

Жеңил автомобиллер саны бойынша Қарақалпақстан нешинши орында екенлигин билесизбе? (+инфографика)

Жеңил автомобиллер саны бойынша Қарақалпақстан нешинши орында екенлигин билесизбе? (+инфографика)

        Өзбекстан Республикасы мәмлекетлик статистика комитетиниң берген мағлыўматына муўапық, 2022-жылдың 1-январь жағдайына көре республикамызда физикалық шахсларға