Telegram karinform

Қарақалпақстан

  • 31.05.2022 22:00
  • 9118

Президент мектебинде баспасөз конференциясы ҳәм медиа-тур болып өтти

  Усы жылдың 31-май сәнесинде Нөкис қаласында жайласқан Президент мектебинде ғалаба хабар қураллары ўәкиллери, журналистлер ҳәм блогерлер ушын баспасөз конференциясы ҳәм медиа-тур болып өтти. 

  Медиа-тур даўамында журналистлер мектепте жаратылған шараятлар менен жақыннан танысты. 5 мыңнан аслам талабанлардың ишинен таңлап алынған оқыўшылардың физикалық ҳәм ақылый тәрептен және де раўажланыўы ушын мектепте кең имканиятлар жаратылған.

  Оқыўшылардың техникаға болған қызығыўшылығын оятыў ҳәм олардың ой-өрисиниң байыўына үлес қосыў мақсетинде шөлкемлестирилген технология кабинети, физика, химия ҳәм биология пәнлериниң лаборатория бөлмелери балалардың көпшилик ўақтын өткеретуғын орынлар екенлиги айтып өтилди. Мектептеги бассейн ҳәм спорт залда олардың физикалық тәрептен шынығыўы ушын керекли болған спорт инвентарьлары менен тәмийинленген. Ал, жәҳән китапхана тармақларына жалғанған китапханасында болса, дүнья тиллери ҳәм қарақалпақ тилиндеги 10 мыңнан аслам китаплар орын алған. Сондай-ақ, бул орында дүнья жүзине белгили газета-журналлар менен танысыў мүмкиншилиги бар.

 

 

 

 

Мектеп бойлап медиа-турдан соң Президент мектеплери ҳәм қәнигелестирилген мектеплерге қабыллаў бойынша баспасөз конференциясы өткерилди.

  Президент мектебиниң академиялық директоры М.Л.Ирине, атқарыўшы директоры Н.Балтабаева, арнаўлы пәнлер бойынша директор орынбасары М.Насыров ҳәм руўхый-ағартыўшылық ислери бойынша директор орынбасары М.Шлымбетовалар мектептиң оқыў бағдарламалары, оған қабыллаў процеси, мектеп оқыўшыларының жетискенликлери ҳәм онда жаратылған имканиятлар ҳаққында толық мағлыўмат берди.

  Илаж соңында журналистлер өзлериниң қызықтырған сораўларына жуўаплар алды.

 

 

 

 

 

                                                                         Сүўретлер авторы: Президент мектебиниң медиа орайы

Сахибжамал Есемуратова,

Karinform.uz

 

Social

Усыныс етемиз

#KarinformWiki: Луи Жак Манде Дагер

#KarinformWiki: Луи Жак Манде Дагер

Уқсас жаңалықлар

Қарақалпақстанда шарўашылықты раўажландырыў ушын ажыратылған 3 миллиард сумнан аслам кредит қаржылары басқа мақсетлерге сарпланғаны анықланды

Қарақалпақстанда шарўашылықты раўажландырыў ушын ажыратылған 3 миллиард сумнан аслам кредит қаржылары басқа мақсетлерге сарпланғаны анықланды

    Бас прокуратура жанындағы Экономикалық жынаятларға қарсы гүресиў департаментиниң Қарақалпақстан Республикасы басқармасы тәрепинен өткерилген тергеўге шекемги

ЖЧ-2022: Уэльс сайланды командасы 64 жылдан кейин мундиальда ойнайды

ЖЧ-2022: Уэльс сайланды командасы 64 жылдан кейин мундиальда ойнайды

20-ноябрь күни Қатар пайтахты Доха қаласында футбол бойынша жигирма екинши жәҳән чемпионатына старт берилди. Дәслепки ойында...

Миллий сувенирлер фестивалы өткерилди

Миллий сувенирлер фестивалы өткерилди

Әсирлер даўамында өзинде миллийлигимизди сәўлелендирип киятырған қарақалпақ халқының үрп-әдетлери, салт-дәстүрлери, миллий буйымлары бүгинги күнде де миллий...