Нөкис районындағы 7-санлы улыўма орта билим бериў мектебиниң 10-класс оқыўшылары Қуўаныш Хошмуратов ҳәм Саламат Ибрайымов бес жаслы баланы суўдан аман алып қалды. Бул ҳаққында Нөкис районы ҳәкимлиги мәлимлеме хызмети хабар берди.
Районлық Айрықша жағдайлар бөлими баслығы, подполковник А.Бекмуратов кишкене баланың өмирин аман алып қалған қаҳарман оқыўшыларды Халықаралық балаларды қорғаў күни мүнәсибети менен қутлықлап, оларға ҳәм оқыўшылардың устазы – жасларды шақырыққа шекемги таярлаў пәни муғаллими Т.Ешмуратовқа миннетдаршылық билдирди ҳәм байрам саўғаларын тапсырды.
Karinform.uz
