Қарақалпақстан Республикасының Мискин, Төрткүл, Елликқала районлары халқына еле де көбирек темир жол хызметлерин көрсетиў мақсетинде усы жылдың 10-август күнинен баслап 2 вагоннан ибарат «Қоңырат-Мискин-Қоңырат» жөнелиси бойынша қалалар аралық жолаўшы поездының қатнаўы жолға қойылмақта. Бул ҳаққында ҚР Транспорт министрлигиниң мәлимлеме хызмети хабар берди.
Хабарда жазылыўынша, бул вагонлар 54-53-санлы «Ташкент-Қоңырат-Ташкент» жолаўшы поезды ҳәрекетленетуғын күнлери 35-, 36-улыўма тәртип саны менен поезд қурамында ҳәрекетленеди.
Атап айтқанда, 2022-жылдың 10-август күнинен баслап 53-санлы «Қоңырат-Ташкент» жолаўшы поездының ақырғы бөлегине вагонлар жалғанады және Қоңырат бәндиргисинен Мискин бәндиргисине шекем ҳәрекетленеди ҳәм Мискин бәндиргисинде тийкарғы поездан үзиледи.
2022-жыл 11-август күни 54-санлы «Ташкент-Қоңырат» жолаўшы поездының ақырғы бөлегине вагонлар қосылып, Мискин бәндиргисинен Қоңырат бәндиргисине шекем ҳәрекетленеди.
Karinform.uz.
