Telegram karinform

Экономика

  • 18.08.2022 17:00
  • 221

Қарақалпақстанда дүньядағы ең үлкен самал электр станцияларының бири қурылады

 

Өзбекстан Республикасы Президенти Ш.Мирзиёевтиң Саудия Арабстаны Патшалығына мәмлекетлик сапары шеңберинде Өзбекстан Энергетика министрлиги, Саудия Арабстаны Энергетика министрлиги және Саудия компаниялары арасында улыўма баҳасы 12 миллиард АҚШ доллары болған үш келисимге қол қойылды.

 

Министрлик баспасөз хызметиниң хабар бериўинше, биринши ҳүжжет ACWA Power компаниясы тәрепинен Қарақалпақстан Республикасында қуўатлылығы 1,5 ГВт болған самал электр станциясын қурыў ҳаққындағы келисим болып, бул жойбар тек ғана региондағы емес, соның менен бирге, дүньядағы ең үлкен самал электр станцияларының бирин қурыўды нәзерде тутады. Мәлим етилиўинше, самал электр станциясының қуўатлылығы 1,65 миллион хожалықты электр энергиясы менен тәмийинлеў ҳәм жылына 2,4 миллион тонна углерод шығындылары шығыўының алдын алыў имканиятын береди.

 

 

Мағлыўмат орнында атап өтиў керек, ҳәзирги ўақытта ACWA Power компаниясы тәрепинен Қарақалпақстан Республикасының Қараөзек районында 100 мегаватт қуўатлылыққа ийе самал электр станциясы қурылмақта.

 

Сондай-ақ, қол қойылған келисимге муўапық Саудия Арабстаны тәрепинен Өзбекстанның энергетика комплексине жақын 5 жылда 10 миллиард АҚШ доллары муғдарындағы инвестиция киргизиў белгилеп алынды.

 

Ислам Матеков,

Karinform.uz.

Social

Усыныс етемиз

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Уқсас жаңалықлар

Қарақалпақстандағы халықтың жас категориялары бойынша статистикалық мағлыўмат (+инфографика)

Қарақалпақстандағы халықтың жас категориялары бойынша статистикалық мағлыўмат (+инфографика)

      Өзбекстан Республикасы статистика комитети Өзбекстан пуқараларының санын жас категориялары бойынша бөлип үйренген. Бул статистикалық мағлыўматларды

Мусылманлар басқармасы өзбекстанлыларды Россия-Украина урысында қатнаспаўға шақырды

Мусылманлар басқармасы өзбекстанлыларды Россия-Украина урысында қатнаспаўға шақырды

    Өзбекстан мусылманлары басқармасы Россия ҳәм Украина сыяқлы урыс болып атырған аймақларда жасап атырған жерлеслеримизди түрли

«Жаслар дәптери»не кирген 833 студенттиң контракт пуллары төлеп берилди

«Жаслар дәптери»не кирген 833 студенттиң контракт пуллары төлеп берилди

    Қарақалпақстан Республикасында жаслардың социаллық-экономикалық машқалалары, олардың пикир ҳәм усынысларын үйрениў, оларға биргеликте шешим табыў мақсетинде