Қарақалпақстан Республикасы Ишки ислер министрлиги системасында бир қатар тайынлаўлар әмелге асырылды. Бул ҳаққында министрликтиң мәлимлеме хызмети хабар берди.
Подполковник Реимкулова Хурзада Хапузатдиновна министрликтиң жәмийетлик қәўипсизлик хызмети ҳуқықбузарлықлар профилактикасы басқармасы баслығының орынбасары – ҳаял-қызлар ҳәм социаллық мәселелер бөлими баслығы лаўазымына тайынланды.
Подполковник Хасанов Өмирбай Бекбаулиевич министрликтиң руўхый-ағартыўшылық ислер ҳәм кадрлар менен тәмийинлеў хызмети баслығының орынбасары – руўхый-ағартыўшылық ислер бөлими баслығы лаўазымына тайынланды.
Майор Абдикадиров Абдурахман Романович министрликтиң жәмийетлик қәўипсизлик хызмети пробация бөлими баслығы лаўазымына тайынланды.
Подполковник Мусағалиев Ерполат Жумагулович Қарақалпақстан Республикасы Ишки ислер министрлиги Жәмийетлик қәўипсизлик хызмети Жол ҳәрекети қәўипсизлиги басқармасы баслығы орынбасары – техникалық қадағалаў бөлими баслығы лаўазымына тайынланды.
Майор Мырзамуратов Мурат Алламуратович Нөкис қаласы бойынша Ишки ислер уйымларының жумысларын муўапықластырыў басқармасы Жәмийетлик қәўипсизлик хызмети Жол ҳәрекети қәўипсизлиги бөлими баслығы лаўазымына тайынланды.
Karinform.uz.
