Бүгин Өзбекстан аймағының көпшилик бөлиминде қурғақ ҳаўа райы болыўы күтилмекте, тек ғана орайлық ҳәм шығыс аймақларда фронт кирип келиўинде бираз турақсызлық бақланады. Ташкент, Жиззақ, Сырдәрья ўәлаятларында, сондай-ақ, республиканың таў алды ҳәм таўлы аймақларында айырым жерлерде жаўын жаўыўы күтилмекте. Ферғана ойпаты ўәлаятларында кешке қарай бираз жаўын жаўыўы мүмкин. Ҳаўаның температурасы күндиз 24-26 градусқа шекем көтериледи.
4-октябрьден 7-октябрьге шекемги болған кейинги күнлерде ҳаўа райын антициклонның түслик-батыс перифериясы белгилейди.
5-октябрьде антициклон перифериясының күшейиўи есабынан түсликте ҳәм шөл аймақларында айырым жерлерде самал шаң-тозаңлар менен 15-18 м/с қа шекем күшейиўи мүмкин.
Ҳаўаның температурасы 4-6-октябрьде түнде 8-13 градус, күндиз 21-26 градус, 7-октябрьде 23-28 градус әтирапында болады.
Karinform.uz.
