Әсирлер даўамында өзинде миллийлигимизди сәўлелендирип киятырған қарақалпақ халқының үрп-әдетлери, салт-дәстүрлери, миллий буйымлары бүгинги күнде де миллий мәдениятымыздың тийкары сыпатында өнерментлер қолында қайта жанланбақта. Ҳәр бир халықтың миллий дәстүрлериниң усы ўақытқа шекем жетип келиўинде өнермент усталардың орны айрықша. Усы жылдың 17-ноябрь күни Қарақалпақстан Республикасы тарыйхы ҳәм мәденияты мәмлекетлик музейи тәрепинен Миллий сувенирлер фестивалы болып өтти.
Илажда сөзге шыққанлар халқымыздың бай мәдений мийраслары, оның адамзат тарийхындағы ролин айрықша атап өтти.
Соңынан Өзбекстан мәмлекетлик филармониясы Қарақалпакстан Республикасы бөлими бақсылары атқарыўында Миллий фолклор намалар, Нөкис қәнигелестирилген мәденият мектеби оқыўшылары тәрепинен миллий қосықлар жыйналғанлардың дыққатына усынылды.
Фестивал соңында мийманлар көргизбелер менен жақыннан танысты.
Көргизбеде керамика, темиршилик, кестешилик ҳәм қурақ өнери усталары өз дөретпелерин усынды.
Бийбижамал Реймбаева,
Шахнозабану Абдуллаева
Фотосүўретлер авторы: Мақсет Ҳәбибуллаев
