Өзбекистанда Ислам динин терең үйрениў мақсетинде Өзбекистан Республикасы Президенти Шавкат Мирзиёевтың басламасы менен Ислам академиясының ашылыўы режелестирилген.
Қарақалпақстан Мусылманлары қазыятының қазысы, Шамсуддин Баҳауддинов жаңадан дүзилип атырған Ислам академиясына бириншилерден болып қабыл етилди, деп хабар берди pazıylet.uz сайты.
Академияда дәслеп 2 жыл магистратура бағдарында, соң докторантура басқышында оқыў режелестирилген. 2018-2019-оқыў жылында магистратура бағдарына «Қурантаныў», «Фиқҳ илими», «Ҳәдистаныў» ҳәм «Кәлам илими» қәнигеликлери бойынша Өзбекистан бойынша 16 адам қабыл етиледи.
Сахибжамал Есемуратова
