Өзбекстан Республикасы Президентиниң «2023-жылы рәсмий сәнелерди белгилеў дәўиринде қосымша жумыс исленбейтуғын күнлерди белгилеў ҳәм дем алыс күнлерин көшириў ҳаққында»ғы пәрманы қабыл етилди.
Пәрманға муўапық, Жаңа жыл байрамында жумыс ҳәптесиниң даўамлылығына қарамастан барлық хызметкерлер избе-из 4 күн дем алады.
31-декабрь – шемби (Президенттиң өткен жылдағы пәрманы тийкарында 6 күнлик жумыс ҳәптесиндеги хызметкерлер ушын дем алыс күни);
1-январь – екшемби (Жаңа жыл байрамы);
2-январь – дүйшемби (жумыс ҳәптесине қарамастан ҳәмме ушын қосымша дем алыс күни);
3-январь – шийшемби (6 күнликлер ушын қосымша дем алыс күни, 5 күнликлер ушын 7-январь – шемби күнинен көширилген дем алыс күни).
Сондай-ақ, пәрман тийкарында 2023-жыл даўамында:
Жумыс ҳәптесиниң түрине қарамастан:
30-июнь – жума;
6 күнлик жумыс ҳәптесинде ислейтуғын хызметкерлер ушын:
20-март – дүйшемби;
22-март – сәршемби;
24-апрель – дүйшемби;
1-июль – шемби;
2-сентябрь – шемби;
30-декабрь – шемби күнлери қосымша дем алыс күнлери етип белгиленди.
5 күнлик жумыс ҳәптесинде ислейтуғын хызметкерлер ушын дем алыс күнлери төмендеги тәртипте көшириледи:
11-март – шемби күнинен 20-март – дүйшемби күнине;
25-март – шемби күнинен 22-март – сәршемби күнине;
29-апрель – шемби күнинен 24-апрель – дүйшемби күнине.
Ислам Матеков,
Karinform.uz.
