Кегейли районында «Cobalt» ҳәм «Nexia-2» автомобильлери қатнасыўында жол-транспорт ҳәдийсеси жүз берди. Бул ҳаққында «Газета.uz» басылымы Ишки ислер министрлигине тийкарланып хабар берди.
Мәлим болыўынша, 4Р-176 Нөкис-Шымбай-Тахтакөпир автомобиль жолының 22-23-километрлери аралығында «Cobalt» автомашинасы жолдың қарама-қарсы тәрепине өтип кетип, «Nexia-2» менен соқлығысқан.
Ўақыя ақыбетинде «Nexia-2»ниң басқарыўшысы жарақат алып, қайтыс болған. «Nexia-2» жолаўшысы ҳәм «Cobalt» автомобилиниң басқарыўшысы емлеўханаға жатқарылған.
Жүз берген жағдай бойынша Кегейли районлық ИИБ Тергеў бөлимшеси тәрепинен тексериў өткерилмекте.
Karinform.uz.
