Telegram karinform

Экономика

  • 10.01.2023 18:00
  • 1286

Тақыятас ыссылық электр станциясы тәрепинен 2022-жылда неше киловатт электр энергиясы ислеп шығарылғаны мәлим етилди

 

Өткен жылдың январь-декабрь айлары аралығында Тақыятас ыссылық электр станциясы ушын электр энергиясын ислеп шығарыў жобасы 4,4 миллиард киловатт саат етип белгиленген болып, әмелде 4,987 миллиард киловатт саат электр энергиясы ислеп шығарылды ҳәм жоба 113 процентке орынланды. Бул ҳаққында электр станциясының баспасөз хызмети хабар берди.

 

Қарақалпақстан Республикасы ҳәм Хорезм ўәлаяты тутыныўшыларын электр энергиясы менен тәмийинлейтуғын тийкарғы кәрхана есапланған Тақыятас ыссылық электр станциясында ҳәзирги ўақытта еки энергоблок, еки пуў-газ қурылмасы суткасына 15,0 миллион киловатт саат электр энергиясын ислеп шығармақта.

 

Хабарда жазылыўынша, 2022-жылдың 12 айы даўамында станцияда 1 киловатт саат электр энергиясын ислеп шығарыў ушын жобадағы 300,0 грамм/киловатт саат орнына, 286,82 грамм/киловатт саат шәртли жанармай сарпланған. Буның нәтийжесинде 32,0 миллион кубометр газ ҳәм 32,0 миллиард сум үнемленген.

 

Кәрханада гүз-қыс мәўсимине таярлық жумыслары шеңберинде тйикарғы ҳәм жәрдемши үскенелердиң турақлы ислеўи бойынша комплексли илажлар жобасы ислеп шығылған болып, жумыслар белгиленген кесте тийкарында алып барылды.

 

2022-жылда тийкарғы үскенелерди оңлаў кестесине муўапық, 2-санлы пуў-газ қурылмасында инспекциялық жумыслар, 7-санлы энергоблокта кеңейтилген ағымдағы, сондай-ақ, 1-санлы пуў-газ қурылмасында ағымдағы оңлаў жумыслары әмелге асырылды.

 

Ислам Матеков,

Karinform.uz.

Social

Усыныс етемиз

1-июньнан радарлар жол сызығын басқаны ушын жәрийма жазбайды

1-июньнан радарлар жол сызығын басқаны ушын жәрийма жазбайды

Уқсас жаңалықлар

1-июньнан радарлар жол сызығын басқаны ушын жәрийма жазбайды

1-июньнан радарлар жол сызығын басқаны ушын жәрийма жазбайды

        Президент тапсырмасына бола, автомобиль жолларында ҳәрекетлениў тәртибин буннан былай да жетилистириў, айдаўшыларға қосымша қолайлықлар жаратыў

Google ҳаққында қызықлы фактлер

Google ҳаққында қызықлы фактлер

    Google – бул тек ғана интернетте излеў хызмети емес, ал заманагөй технологияларды қәлиплестирип атырған дүньядағы

Айырым қазағстанлылар ушын ChatGPT'ден пайдаланыў қадаған етилди

Айырым қазағстанлылар ушын ChatGPT'ден пайдаланыў қадаған етилди

        Қазақстанда мәмлекетлик хызметкерлерге ChatGPT жасалма интеллект системасынан хызмет мақсетлеринде пайдаланыў қадаған етиледи. Бул ҳаққында Санлы