Мийнет кодексиниң 401-статьясына тийкарланып, он еки жасқа толмаған еки ҳәм оннан артық баланың яки он алты жасқа толмаған нәгиранлығы болған баланың ата-анасының биреўине ҳәр жылы даўамыйлығы кеминде төрт календарь күн болған ҳақ төленетуғын қосымша демалыс бериледи.
Бул демалыс жыллық мийнет демалысына қосып берилиўи ямаса жумыс бериўши менен келисип белгиленетуғын дәўирде усы демалыстан өз алдына (толық я бөлек-бөлек), бирақ тек тийисли жумыс жылы даўамында пайдаланыўы мүмкин.
Усы түрдеги демалысты кейинги жылға көшириўге яки оны пуллы компенсация менен алмастырыўға жол қойылмайды.
