Фото: Шухрат Латипов / “Gazeta.uz”
Мийнет кодексиниң 333-статьясына муўапық, жумыс бериўши ис ҳақын, демалыс төлемлерин, мийнет шәртнамасы бийкар етилгендеги төлемлерди яки хызметкерге төлениўи лазым болған басқа төлемлерди төлеў мүддетин бузған жағдайда, оларды төлеў мүддетинен кейинги күннен баслап есап-китап қылынған күнди өз ишине алған мүддетке шекем ҳәрбир кешиктирилген күн ушын Өзбекстан Республикасы Орайлық банкиниң сол ўақытта әмелде болған қайта қаржыландырыў ставкасынан келип шыққан ҳалда процентлер (пуллы компенсация) менен бирге төлеўи шәрт.
Хызметкерге төлениўи лазым болған пуллы компенсацияның муғдары Өзбекстан Республикасы Орайлық банки қайта қаржыландырыў ставкасының он проценти муғдарында белгиленеди. (Топар шәртнамасы, ишки ҳүжжет яки мийнет шәртнамасы менен бул муғдар 10 проценттен көбейтилиўи де мүмкин).
Бул пуллы компенсацияны төлеў мәжбүрияты жумыс бериўшиниң айлық ис ҳақысын яки хызметкерге төлениўи лазым болған басқа төлемлерди төлеўдиң кешиктирилиўинде айыбы бар-жоқлығына қарамастан жүзеге келеди яғный, айлықлар яки басқа төлемлер кеш төлениўи жумыс бериўшиниң айыбы менен болмаған жағдайда да ол жуўапкер болады.
