Алымлар экологиялық жақтан қолайсыз аймақларда жасаўшы адамларда қантлы диабеттиң екинши түриниң раўажланыў қәўпи артыўын анықлады.
Изертлеў Ҳиндстанның Деҳли ҳәм Ченнай қалаларында өткериледи. Бул аймақлардың ҳаўасында қан ағымына кириўи мүмкин болған микроскопик бөлекшелер муғдары көбейген. Алымлар жети жыл даўамында 12 мың еркек ҳәм ҳаялдан ибарат топарды бақлады. Олардың қанындағы қант муғдары турақлы түрде тексерип турылған ҳәм сол адамлар жасайтуғын аймақларда ҳаўа сапасы бақлап барылады.
Нәтийжелер соны көрсетеди, бир айдың ишинде жоқары дәрежедеги зыянлы ҳаўадан дем алыў қандағы қант муғдарын көбейтеди ҳәм бул процесстиң бир жыл яки оннан көп даўам етиўи диабетке алып келиўи мүмкин. Зыянлы ҳаўа қурамында сульфатлар, нитратлар ҳәм аўыр металлар бар. Бул элементлер эндокрин системасының хызметин бузып, инсулин ислеп шығарыўға кесент етеди.
