Telegram karinform

Экономика

  • 01.12.2024 11:30
  • 217

Қарақалпақстан Республикасында биринши алтын кәни өзлестирилди

 

Өзбекстан Президенти Шавкат Мирзиёевтың Қарақалпақстан Республикасына сапары даўамында мәмлекетимиз басшысы аймақта әмелге асырылып атырған инвестиция жойбарлары менен танысқан еди.

 

Презентациялар ўақтында Президентимиз исбилерменлерди ҳәр тәреплеме қоллап-қуўатлап, жойбарларды жеделлестириў әҳмийетлилигин айтып өтти. 

Ақырғы 7 жылда Қарақалпақстан Республикасында 17 триллион 800 миллиард сомлық 6784 жойбар әмелге асырылған. Олардың нәтийжесинде 56 мың жумыс орны жаратылған. Усы дәўирде 2 млрд 815 млн долларлық экспорт исленген. Бул жылы республикада улыўмалық қуны 874 млн долларлық 470 жойбар әмелге асырылмақта.

 

Бул еле де даўам еттирилип, Қарақалпақстанда шет еллик инвестор ҳәм жергиликли исбилерменлер тәрепинен улыўмалық қуны 9,5 млрд 800 млн долларлық 124 жойбар дүзилген. Соннан 1 млрд 800 млн долларлық 10 жойбар мәмлекетимиз басшысына презентация етилди.

Жойбарларға Қытай, Саудия Арабстаны, Германия, Россия, Испания сыяқлы мәмлекетлер компаниялары инвестиция киргизген. Олар энергетика, ыссылық тәмийнаты, таў-кән ҳәм химия санааты, қурылыс материяллары, хызмет көрсетиў ҳәм басқа тармақларды қамтып алған.

 

Солардан Ji An Tai International компаниясы менен Қараөзек районындағы Урусай кәнин өзлестириў (20 млн доллар) бойынша техникалық экономикалық тийкарларды таярлаў басқышы жуўмақланып, ислеп шығарыў қуўатлары жаратылды.

Тийисли кән таярлаў жумыслары алып барылып, үскенелер орнатылды, 1 млн тонна металл қайта исленди ҳәм ислеп шығарылған алтын Наўайы кән-металлургия  комбинатына реализация етилди. Соны айтып өтиў керек, бул Қарақалпақстандағы дәслепки алтын кәни есапланады.


Сондай-ақ, Triangul Metals Tebinbulak компаниясы менен Қараөзек районындағы Тебинбулақ кәнин өзлестириў (1,6 млрд доллар) жумыслары алып барылмақта. «Triangul Metals Tebinbulak» ЖШЖ ЖК тәрепинен жылына 58 млн тонна металлды қайта ислеп, 5 млн тонна темир консентратын ислеп шығарыў арқалы 3,6 млн тонна полат шийки затын ислеп шығарыўға мөлшерленген жойбар  ислеп шығылды.

Social

Усыныс етемиз

Уқсас жаңалықлар

Газ ҳәм электр энергиясы тарифлериниң артыўы 1-майға шекем кешиктирилди

Газ ҳәм электр энергиясы тарифлериниң артыўы 1-майға шекем кешиктирилди

    Президент ҳүкиметке газ ҳәм электр энергиясы тарифлерин арттырыўды 1-майға шекем кешиктириўди тапсырды. Алдын 1-апрельге белгиленген

Goal талқылаўы бойынша «Алтын топ» ушын тийкарғы талабанлардың дизими жәрияланды

Goal талқылаўы бойынша «Алтын топ» ушын тийкарғы талабанлардың дизими жәрияланды

Goal порталы «Алтын топ» ушын тийкарғы талабанлар дизимин жәриялады. Оған бола, «Барселона» вингери Рафиня бул бағдарда...

Нөкисте пропан газ тасыўшы жүк машинасы аўдарылып кетти

Нөкисте пропан газ тасыўшы жүк машинасы аўдарылып кетти

    ЖТҲ айдаўшы басқарыўды жоғалтыўы нәтийжесинде жүз берген. Ҳәдийсе ақыбетинде ҳеш ким жарақат алмаған. Айрықша жағдайлар