Ҳәкимшилик жуўапкершилик ҳаққындағы кодекстиң 302-статьясына тийкарланып, хәкимшилик жуўапкершиликке нызамсыз түрде тартылыўы нәтийжесинде пуқараға жеткерилген зыян ҳәкимшилик жуўапкершилик ҳаққындағы исти көрип шыққан органның (шахстың) айыбына қарамастан мәмлекет тәрепинен толық төленеди.
Зыянды қаплаў ҳуқықы хәкимшилик жуўапкершилик ҳаққындағы ис жуўмақланғаннан кейин жүзеге келеди. Ҳәкимшилик жуўапкершилик ҳаққындағы исти жүргизип атырған орган (лаўазымлы шахс) пуқараға бузылған ҳуқықларын тиклеў тәртибин тусиндирип бериўи ҳәм ҳәкимшилик жуўапкершиликке нызамсыз түрде тартылғанлығы нәтийжесинде пуқараға жеткерилген зыянды қаплаў ушын нызамда нәзерде тутылған шараларды көриўи керек.
