Бирақ, барлық студентлер емес, таңлап алынған питкериўши курс әмелиятшы студентлери.
Январьда дағазаланған тәртипке бола, питкериўши студентлер бир айдан үш айға шекем экономика тармақлары кәрханаларында ҳақ төленетуғын ислеп шығарыў әмелиятында болыўы мүмкин. Бунда Жоқары билимлендириў министрлиги тәрепинен студентлер арасында ҳәр жылы таңлаў өткериледи. Әмелият өтеў ушын 500 (Ташкент қаласы ушын – 45, Қарақалпақстан Республикасы ҳәм ўәлаятлар ушын – 35) орын ажыратылады.
Таңлаўдан өткен питкериўши студентлерге әмелият өтеп атырған кәрхана тәрепинен БЕМның 2 есеси муғдарында (680 мың сом) ис ҳақы төленеди. Бул пул Жоқары билимлендириў министрлигинен шөлкемге өткерип бериледи.
Әмелият өтеп атырған кәрхана студентти қосымша хошаметлеўи мүмкин.
