OpenAI 2025-жылға келип ChatGPT пайдаланыўшылары санын 1 миллиард адамға жеткериў жобасын мәлим етти, бул Жер бетиндеги ҳәр сегизинши адамға тең. Бул мақсет чатботты кеңейтиў, оның функционаллығын жақсылаў ҳәм оны көбирек платформаларға интеграция етиў арқалы әмелге асырылады.
ChatGPT ҳәзир миллионлаған адамлар тәрепинен оқыў, жумыс ҳәм сәўбетлесиў ушын пайдаланылмақта. Ол иске түсирилгеннен берли чатботтың танымалылығы, әсиресе, GPT-4 ҳәм оның имканиятлары дағазаланғаннан соң тез өсип атыр.
Open AI раўажланып атырған базарларда өсиў ушын үлкен потенциалды көриўди ҳәм платформаны олардың мүтәжликлерине сәйкеслендириўди жобаластырып атырғанлығын айтады.
Компания, сондай-ақ, моделлериниң жумысын жақсылаў, олардан пайдаланыў қәрежетлерин кемейтиў ҳәм тилди қоллап-қуўатлаўды кеңейттириў үстинде ислемекте. Бул алдын AI хызметлеринен пайдалана алмағанларды өзине тартыўы күтилмекте, дейди.
