Пуқараны сүўретке түсириў ҳәм оннан пайдаланыў, сол сүўрет тийкарында көркем өнер шығармасын дөретиўде сол пуқараның разылығы, егер ол ержетпеген болса, ата-анасының ямаса жақынларының разылығы талап етиледи. Бирақ, сүўретке түсириў ҳәм оннан пайдаланыўда руқсат талап етилмейтуғын жағдайлар да бар:
1. Сүўрет мәмлекет ҳәм жәмийет мәпи ушын пайдаланылғанда руқсат талап етилмейди;
2. Пуқара ғалабалық орыларда, аўқатланыў, саўда ҳәм басқа да хызмет көрсетиў орынларында, концерт, байрам сейиллеринде ҳәм көшелерде сүўретке түсирилген ҳәм оннан мақсет сол жердеги процессти сәўлелендириў болғанда разылық талап етилмейди.
3. Және де сол сүўреттен пайдаланыўдан мақсет пуқараның ҳуқықларын қорғаў болғанда разылық талап етилмейди.
