Тутыныў базарларында баҳалардың турақлылығын тәмийинлеў мақсетинде өсимлик майы, сары май, мәйек, банан, цитрус мийўелер, ун, йогурт, айырым түрдеги кондитер өнимлери, сондай-ақ, айырым гигиеналық товарлар импорты ушын бажыхана бажының ноль ставкасы 2026-жыл 1-январьға шекем узайтылды.
Бул ҳаққында Өзбекстан Республикасы Президенти 28-декабрь күни «Исбилерменлер ушын тең шәраятлар ҳәм әдалатлы бәсеки орталығын тәмийинлеў бойынша гезектеги ис-илажлар ҳаққында» ғы пәрманына қол қойды.
Және кеминде бир жыл даўамында бажысыз алып кириў мүмкин болған товарлар дизимине балық, сары май, маргарин, қаймақ, мәйек, банан, кофе, чай, ун, йогурт, сыр, творог, кондитер өнимлери, варенье, алкоголсыз ишимликлер, шаш ушын қураллар, айырым гигиеналық товарлар ҳәм басқалар киреди.
Жаңа яки қурытылған қурма, әнжир, ананас, авокадо, гуава, манго, кокос, алма, алмурт, бийе сыяқлы мийўелердиң бажысыз импорты да даўам ететуғын болды.
