Telegram karinform

Жәмийет

  • 04.01.2025 07:00
  • 257

Қарақалпақстанда АЖМ әскери 5 адамды пышақлады

 

Кеше, 3-январь күни Қарақалпақстан Республикасы Нөкис қаласында Айрықша жағдайлар министрлигинде хызмет өтеп атырған әпиўайы әскер бес адамды пышақлады. Бул ҳаққында Qalampir.uz сораўына тийкарланып Бас прокуратура баспасөз хаткери Ҳаёт Шамсутдинов мәлим еткен.

 

 

Келтирилиўинше, министрликтиң Арнаўлы инженерлик қурылыс басқармасы 1-санлы инженерлик қурылыс батальоны 2-отряд 5-топар әпиўайы әскери Ж.Н.ны урып, көшеге шығып кеткен. Саат 03:30 да Нөкис қаласының Даналар көшесинде жайласқан 41-үйге кирип, үйдеги асхана пышағын ҳәм киши балтаны алған. Оннан соң үйде уйқылап жатырған сол шаңарақтың келинине тийискен. Оның даўсынан оянған өмирлик жолдасы З.К.ға болса пышақ пенен дене жарақатын жеткерген. Соң З.К.ның әкеси Д.А., оның және бир ағайини Р.А.ға киши балта менен тасланып, оларға түрли дәрежеде дене жарақатын жеткерген. Буннан тысқары, Г.М. жынайый ҳәрекетлерди даўам еттирип, саат шама менен 04:00 де Нөкис қаласы Айбүйир көшесинде жайласқан 18-үйде жасайтуғын А.С. үйиниң есигин жаўып атырған ўақытта оған да киши балта менен тасланып, ўақыя орнынан қашып кеткен. А.С. болса баласы С.А.ны шақырып, бийтаныс бир адам жарақатлағанлығын айтқан. С.А. сол адамды табыў ушын машинасында көшеге шыққанында Г.М. оны да жарақатлаған. 

 

Жәбирлениўшилердиң 1еўи қайтыс болған, 4еўине емлеўханада зәрүр медициналық жәрдем көрсетилмекте. 

Бул жағдай бойынша Жынаят кодексиниң 97-статьясы 1-бөлеги ҳәм 25, 97-статьясы 2-бөлеги «а, л» бәнтлери менен жынаят иси қозғатылған. Гүманланыўшы шахс (2005-жылда Ташкент қаласында туўылған Г.М.) процессуал тәртипте усланған. Ҳәзир Нөкис әскерий прокуратурасы тәрепинен тергеў ҳәрекетлери алып барылмақта.

Social

Усыныс етемиз

Өзбекстанда интернет пайдаланыўшылары саны жәрияланды

Өзбекстанда интернет пайдаланыўшылары саны жәрияланды

Уқсас жаңалықлар

ChatGPT менен турақлы сөйлесиў қәўипли ақыбетлерге алып келиўи мәлим етилди

ChatGPT менен турақлы сөйлесиў қәўипли ақыбетлерге алып келиўи мәлим етилди

Психологлар жасалма интеллект пенен сөйлесиў, әсиресе, жасларға унамсыз тәсир етиўи мүмкинлигинен қәўетерленип атыр.  OpenAI ҳәм Массачусетс...

Өзбекстанда аўыллық жерлерде туўылыўшылық қалаларға салыстырғанда көбирек

Өзбекстанда аўыллық жерлерде туўылыўшылық қалаларға салыстырғанда көбирек

    Миллий статистика комитетиниң мағлыўматларына бола, 2025-жылдың январь-февраль айларында, ПҲАЖ уйымларында республика бойынша 135 914 тири

Қарақалпақстанда биринши мәрте Арал мәденият саммити өткериледи

Қарақалпақстанда биринши мәрте Арал мәденият саммити өткериледи

Усы жылдың 4-6-апрель күнлери Қарақалпақстанның Нөкис қаласында биринши мәрте Арал мәденият саммити болып өтеди, деп хабар...