Apple‘дың жаңа смартфонлары АҚШ президенти Доналд Трамп ҳәкимшилигиниң бажыхана төлемлери себепли 30 процентке қымбатлаўы мүмкин.
Аналитиклердиң пикиринше, Apple өз өнимлери, соның ишинде, iPhone баҳасын 30-40%ке арттырыў арқалы бажыхана төлемлериниң унамсыз тәсирин жумсартыўы мүмкин. Counterpoint Research компаниясы басшысы Нил Шоҳтың айтыўынша, импорт бажыхана төлемлерин қаплаў ушын Apple баҳаларды үштен бирге арттырыўға мәжбүр болады.
Атап өтилиўинше, Apple өндиристиң бир бөлегин Қытайдан Ҳиндстан ҳәм Ветнамға көширген, бирақ бул мәмлекетлер де сәйкес түрде 26 ҳәм 46 процентлик бажыхана төлемлерин енгизген. «Бизиң болжаўымызша, Apple смартфонлар баҳасының сезилерли дәрежеде көтерилиўин iPhone 17 шығыўы күтилип атырған гүзге қалдырады» – дейди аналитик Анжело Зино.
Rosenblatt Securities аналитиклериниң болжаўына бола, Apple‘дың ең арзан смартфоны – iPhone 16е баҳасы 599 доллардан 856 долларға шекем көтерилиўи мүмкин. Өз гезегинде, iPhone 16 баҳасы 799 доллардан 1142 долларға шекем, 1 терабайтлы ядқа ийе флагман iPhone 16 Pro Max болса 1599 доллардан 2300 долларға шекем қымбатлайды.
