Университет оқытыўшыларының Президент Мүрәжатнамасын үгит-нәсиятлаў жумыслары алып барылды

2018-жылдың 4-10-январь күнлери Нөкис қаласы ҳәм районларда Қарақалпақ мәмлекетлик университетиниң профессор-оқытыўшыларынан ибарат топарлар дүзилип, қысқы дем алыс күнлеринде елимиздиң ең шеттеги аўылларына барып, үгит-нәсиятлаў жумысларын алып барылды. Бул баянаттың мазмун-мәнисин халықтың түрли қатламларына кең түрде үгит-нәсиятлаў мақсетинде бағдарламаға тийкарланып орынларда баянатлар жасады.

Өзбекистан Республикасы Президенти Шавкат Мирзиёевтың 2017-жыл 22-декабрьдеги Олий Мажлиске Мүрәжатнамасы ҳәм Өзбекистан Республикасы Конституциясы қабыл етилгенлигиниң 25 жыллығына бағышланған салтанатлы мәресимдеги баянатында мәмлекет ҳәм жәмийет турмысының барлық тараўларын раўажландырыўдың тийкарғы жөнелислерин белгилеў ҳәм оларды басқышпа-басқыш әмелге асырыў мақсетинде қабыл етилген Ҳәрекетлер стратегиясының барлық баслы жөнелислерине байланыслы мәселелерге айрықша тоқталып өтилген еди.