Усы жылдың 2-февраль сәнесинде 10:00де пайтахтымыздағы И.Юсупов атындағы қәнигелестирилген мектеп-интернатында белгили журналист ҳәм публицист Қарақалпақстан Республикасына мийнети сиңген журналист Атажан Халмуратовтың туўылғанының 70 жыллығы мүнәсибети менен «Жақсының аты өшпейди» атамасындағы әдебий еслеў кешеси өткериледи.
Бул әдебий еслеў кешесин Өзбекистан Журналистлери дөретиўшилик аўқамы Қарақалпақстан бөлими, Қарақалпақстан Республикасы Баспасөз ҳәм хабар агентлиги, «Еркин Қарақалпақстан» - «Вести Каракалпакстана» газеталары бирлескен редакциялары шөлкемлестирмекте.
Бағдарламаға муўапық, Қарақалпақстан Республикасы Жоқарғы Кеңесиниң комитет баслығы Д.Қурбаниязов, Қарақалпақстан халық жазыўшысы, Қарақалпақстан Республикасына мийнети сиңген журналист Ш.Уснатдинов, Өзбекистан Журналистлери дөретиўшилик аўқамы Қарақалпақстан бөлими баслығы, Өзбекистан Республикасына хызмет көрсеткен журналист К.Реймов, Қарақалпақстан Республикасына мийнет сиңген журналист Е.Байназаров, Қарақалпақстан Республикасы Жазыўшылар аўқамы баслығы, Қарақалпақстан халық шайыры К.Каримов, журналисттиң кәсиплеси, тәжирийбели журналист П.Хожамуратова, класслас жорасы, философия илимлериниң кандидаты, доцент Ю.Әлимбетов, жазыўшы, Қарақалпақстан Республикасына мийнет сиңген журналист Ө.Өтеўлиевлердиң баянат жасаўы көрсетип өтилген.
Сахибжамал Есемуратова
