![](\"http://img.uz/d/2018/02/5a7d8551a55b1.jpg\")
БМШ комитети өгизлер айқасын көрип жүрген 18 жасқа шекемги болған балалардың психологиялық саламатлығы ҳәм қәўипсизлигинен тәшўиште, деп хабар бермекте Korrespondent.net басылымы.
БМШ комитети Испаниядан балаларға өгизлер айқасы ҳәм коррида мектебине барыўға тыйым салыўды усыныс етти. Шөлкем балаларды қәўипли жағдайлардан сақлаўды мақсет еткен.
- Өгизлер айқасының балаларға зыяны тиймеўи ушын комитет 18 жасқа толмаған балаларға коррида тамашаларын көриўге тыйым салыўды сорайды, - делинген комитеттиң хабарнамасында.
Соның менен бирге, комитет Испанияның 55 мектебинде болған бүлгиншилик ҳәрекетлеринен тәшўиште екенлигин билдирген. Испания делегациясы өз гезегинде экспертлерге корриданы өткериў тәртибин Испанияның автономиялық аймақлар бийлиги тәртипке салып отыратуғынлығын айтып өткен.
Мағлыўмат ушын, ҳәзирги күнде Испанияда 14 жастан өткен балалар коррида мектеплеринде сабақ алыўға ҳақылы. Сондай-ақ, ҳәр коррида мектебиниң өзинше тәртиби ҳәм қағыйдалары бар.
Ислам Матеков.
