Олимпиада-2018 медалы ушын ең көп пул төлейтуғын мәмлекет – Қазақстан

Британияның Consultancy компаниясы дүнья еллериндеги Олимпиада медальлары ушын берилетуғын қаржы муғдарын есаплап шықты.
Consultancy жәриялаған нәтийжелерге муўапық, Британия басылымы «оншелли бай емес» деп есаплайтуғын Қазақстан мәмлекети өз спортшыларына көп муғдардағы сыйлық беретуғынлығы белгили болды. Қазақстанда Пхёнчхандағы қысқы Олимпиадада алтын медаль алған спортшыларға 215 000 евро, гүмис медаль ушын 125 000 евро ҳәм бронза медаль ушын 62 000 евро төлеўди жәриялаған.
Италия бул дизимде екинши орында. Италиялы спортшылар алтын медаль алса 150 000 евро, гүмис медаль алса 75 000 евро ҳәм бронза медаль жеңимпазы болса 50 000 евро алады. Бул дизимде үшинши орында Латвия көрсетилген болып, бул мәмлекет алтын медаль ушын 142 300 евро, гүмис медаль ушын 85 500 евро, бронза медаль ушын ҳеш қандай сыйлық берилмейтуғынлығын атап өткен.

Ислам Матеков.