Усы жылдың 25-февраль күни Бердақ атындағы Қарақалпақ мәмлекетлик университетиниң Мәденият сарайында «Қуўнақлар ҳәм зийреклер» таңлаўының университет басқышы болып өтиўи режелестирилген. Таңлаўда университеттиң 10 факультетинен командалар қатнасады ҳәм олар еки топарға бөлинген ҳалда беллеседи. Таңлаў бағдарламасына муўапық, студентлер «Биз сағынған ҚҲЗ» темасындағы сәлемнама, «Биатлон» атамасындағы төрт айланымнан ибарат ҳәзиллер, «Оригинал ҳәзил» атамасында студентлер эстрадалық-миниатюра театры, «Жанлы ҳаўазға не жетсин!» атамасындағы музыкалы шәртлер бойынша өз қәбилетлерин көрсетиўи тийис.
Мағлыўмат ушын, өткен жылы өткерилген таңлаўдың университет басқышында Химия-технология факультети командасы жеңимпаз болған еди.
Сайтымыздың телеграмдағы каналына ағза болың: 👉 https://t.me/karinformuz
Ислам Матеков.
