Өзбекстан Республикасы Президенти Ш.Мирзиёевтың 2018-жыл 7-март сәнесиндеги «8-март – Халық аралық ҳаял-қызлар күни байрамы мүнәсибети менен сыйлықлаў ҳаққында»ғы Өзбекистан Республикасы Президентиниң Пәрманына муўапық, Қарақалпақстан Республикасынан 2 ҳаял-қыз атақ ҳәм орден менен сыйлықланды.
Жәмийетимизде ҳаял-қызлардың орны ҳәм абыройын арттырыў, олардың шаңарақты беккемлеў, жас әўладты ўатансүйиўшилик, ғәрезсизлик идеяларына садықлық, миллий ҳәм улыўмаинсаныйлық қәдириятларға ҳүрмет руўхында тәрбиялаў мақсетинде түрли тараўларда мийнет етип киятырған ҳаял-қызларды сыйлықлаў ҳаққында Пәрманы тастыйқланды.
Қарақалпақстан Республикасы телерадиокомпаниясы «Қарақалпақстан» телеканалының аға редакторы Өтениязова Алтынгүл Палўановна «Өзбекстан Республикасында хызмет көрсеткен журналист», ал Шымбай районы «Lanextrakt» қоспа кәрханасының сыртқы экономикалық мәселелери бойынша директоры Абдурахимова Мухайё Рахматуллаевна «Дослық» ордени менен сыйлықланды.
Сахибжамал Есемуратова
