![](\"http://img.uz/d/2017/05/59294ae9ebd51.jpg\")
ФИФА Конфедерациялар кубоги беллесиўлерин реформалаўды режелестирмекте. Сайланды командалардың қатнасыўындағы беллесиўлердиң орнына клублар арасында турнир шөлкемлестирилиўи мүмкин, деп хабар тарқатты Korrespondent O‘zbekiston.
ФИФА президенти Джанни Инфантино Конфедерациялар кубоги ҳәм декабрьде өткерилетуғын клублар арасындағы жәҳән чемпионаты қаншелли мақсетке муўапық екенлигин ойлап көретуғыны ҳаққында хабарлар тарқалған еди.
Жаңа беллесиўлер «Континентлер аралық кубок» деп аталыўы мүмкин, онда 16 ямаса 24 клуб қатнасады. Чемпионлар лигасының ақырғы еки жылдағы жеңимпазлары ҳәм финалшылары, Либертадорес кубоги ҳәм Европа лигасының жеңимпазлары, сондай-ақ, Азия, Африка және Арқа ҳәм Орайлық Американың клуб чемпионатларының жеңимпазлары беллесиўлерде қатнасады.
Усылайынша Россияда болып өтетуғын «Конфедерациялар кубоги-2017» тарийхтағы ең соңғысы болыўы мүмкин.
