АҚШ қорғаныў министри: «Арқа Кореяға қарсы урыс орны толмас апатшылықларға алып келиўи мүмкин»

АҚШтың қорғаныў министри Джеймс Меттистиң пикиринше, Арқа Кореяға қарсы басланыўы мүмкин болған урыс орны толмас апатшылықларға алып келиўи мүмкин. Бул ҳаққында Korrespondent O‘zbekiston министрдиң CBSNews ке берген интервьюси тийкарында хабарлады.
Оның сөзлерине қарағанда, КХДРдағы қарама-қарсылық «адамзаттың көпшилиги ушын гүрестиң ең жаман түри болған болар еди».
Меттис Арқа Корея өз дөгерегиндеги мәмлекетлер, атап айтқанда, Япония, Кытай ҳәм Россия ушын қәўип туўдырыўын айтып өткен.
«Егер биз жағдайды дипломатиялық қураллар жәрдеминде системаластыра алмасақ ҳәм изи урысқа айланып кетсе, бул орны толмас апатшылық келтиретуғын урыс болады», - деп жуўмақ жасады әскерий министр.
Буннан бираз алдын, АҚШтың бурынғы мәмлекетлик хаткери Хиллари Клинтон АҚШ президенти Дональд Трамптың Twitter социаллық тармағында алып барып атырған дипломатиясын сын астына алып, Арқа Кореядағы машқалаларды Twitterде емес, ҳақыйқый еки тәреплеме сөйлесиўлер арқалы шешиў кереклиги ҳәм буның ҳәзирги ўақыттағы әҳмийетине тоқталған еди.