Өзбекистан Жоқары ҳәм орта арнаўлы билимлендириў министрлиги республика жоқары оқыў орынларында сыртқы ҳәм кешки билимлендириўди тиклеў мәселесин үйренип шықпақта, деп хабар бермекте Подробно.уз сайтына силтеме берип sputnik.uz.
«Сыртқы билимлендириў мәселеси бойынша жумыс алып бармақтамыз», — деди жоқары ҳәм орта арнаўлы Билимлендириў Министриниң биринши орынбасары Иномжон Мажидов. Мажидовтың айтыўына қарағанда, бундай қарардың қабыл етилиўине «техникалардың сапалы тәмийнленгенлиги» себеп болған. «Барлық нәрсе методология, методика, техника тийисли дәрежеде жеткизилгенинде буны енгиземиз. Кешки билимлендириў бирқанша қызықлы болады», - деген Мажидов.
Мағлыўмат ушын, Өзбекистанда сыртқы оқыў 2004-жылы тоқтатылған еди.
Усы жылы үш университетте сыртқы билимлендириў ушын руқсат берилген. ТИТУ дың арнаўлы сыртқы бөлимине 100, Наўайы Мәмлекетлик кәншилик институтының арнаўлы сыртқы бөлимине 90, Ташкент темир жол инженерлери институтының арнаўлы сыртқы бөлимине 80 студентти қабыллаў нәзерде тутылған.
