Ташкентте оқыўшы қызлар арасында өткерилген биринши инновациялық саммитте қанлыкөлли оқыўшы қыз 1-орын жеңимпазына айланды

2018-жыл «Жедел исбилерменлик, инновациялық идеяларды ҳәм технологияларды қоллап-қуўатлаў жылы» мүнәсибети менен Ташкент қаласында республикамыздың қала ҳәм районларындағы билимлендириў мәкемелериниң оқыўшы қызлары қатнасында «Girls development summit-2018» атамасындағы биринши республикалық инновациялық саммити болып өтти.
Саммитте Қанлыкөл районы 1-санлы қәнигелестирилген улыўма билим бериў мектебиниң 10-класс оқыўшысы Оразбаева Зарафшон Еркинбай қызы да қатнасты ҳәм өзиниң қәбилети, қызығыўшаңлығы ҳәм билимлилиги менен инновациялық саммиттиң «Медиа ҳәм журналистика» бағдары бойынша «Ең жақсы блог ушын мақала» номинациясы жеңимпазы болды.
Жеңимпаз Оразбаева Зарафшон Өзбекстан Республикасы Халық билимлендириў министри И.Инаятов тәрепинен диплом менен сыйлықланды, деп хабар бермекте район ҳәкимлигиниң рәсмий веб-сайты.

Сайтымыздың телеграмдағы каналына ағза болың: https://t.me/karinformuz

Ислам Матеков.