Дүньяның сегизинши әжайыбаты ҳаққында билесиз бе?

«Терракота әскери» дүньяның сегизинши әжайыбаты сыпатында белгили. Шыны менен де, бундай жаратылыс сийрек гезлесетуғын көринислердиң бири, деп жазады Massaget.kz басылымы.
«Терракота әскери» - Сиань қаласындағы Цинь Шихуанди императорының қойымшылығы жанында табылған 8099 қытайлы жаўынгер ҳәм олардың атларынан ибарат мүсин-естелик болып табылады. Бул мүсинлер 1974-жылы табылған еди. Оны жергиликли шарўашылық пенен шуғылланыўшы адамлар артезиан қудығын қазып атырғанда тапқан. Тарийхый дәреклерге қарағанда, Цинь Шихуанди тахтқа отырғаннан соң б.э.ш. 246-жылы өзине қойымшылық қурдыра баслайды. Оның ойынша, бул мүсинлер оған келеси өмирде жәрдемши болады. Мүсинлер император қойымшылығының шығыс тәрепинде жайласқан ҳәм бир тегис етип орналастырылған. Бул қойымшылықтың салыныўы 38 жылға созылған.
Мағлыўмат ушын, Цинь Шихуанди Қытайды бирлестирип, Уллы Қытай дийўалының қурылысын ақырына жеткерген.