Эйфель минарасы Трамптың келиў мүнәсибети менен ўақтынша жабылды

Париждеги Эйфель минарасы Францияға АҚШтың Президенти Дональд Трамптың келиў мүнәсибети менен 15-июль сәнесине шекем жаўық болады деп хабар берди Tass.ru.
«Мен 13-июль сәнеси саат 14:30дан 15-июльге шекем жаўық боламан. Есиклеримди 15-июль күни саат 9:00 де ашаман», — деп жазылған минараның Twitterдеги бетинде.
Трамп өмирлик жолдасы Меланья менен Париж қаласына 13-июль күни еки күнге мөлшерленген жумысы менен келген. 13-июль күни Францияның Президенти Эммануэль Макрон ҳәм оның өмирлик жолдасы Трамплар шаңарағы менен Эйфель минарасында жайласқан Jules Verne ресторанында аўқатланыўы режелестирилген.


Сахибжамал Есемуратова