Дүньядағы ең узын тис операция жолы менен алып тасланды

Ҳиндстанлы студент Урвил Патель Гиннестиң «Рекордлар китабы»на кирди. Стоматологлар оның 3,67 сантиметрлик азыў тисин хиррургиялық операция жолы менен алып таслады, деп хабар бермекте Tengrinews басылымы.



18 жаслы жигит өзи жасайтуғын Вадодара қаласындағы клиникаға азыў тисиниң өсип баратырғанынан шағым еткен. Шыпакерлер оның азыў тисин 30 минут операция етип, алып таслаған ҳәм оның рекорд дәрежеде узын екенлигиниң гүўасы болған. Шыпакерлердиң айтыўынша, азыў тиси ер адамларда 2 сантиметр әтирапында болыўы керек.




Буннан алдынғы рекорд 2009-жылы Сингапурда дизимге алынған болып, онда азыў тистиң узынлығы 3,2 сантиметрге жеткен еди.

Ислам Матеков.