Усы жылдың 21-22-апрель күнлери Ташкент қаласындағы «Истиқлол» көркем өнер сарайында операшы Жеңисбек Пиязовтың Муслим Магомаев ҳүрметине шөлкемлестирилген концерт бағдарламасының өткерилиўи режелестирилген еди. Бүгин концерттиң екинши күни «Миллий» телеканалы арқалы туўрыдан-туўры эфирде берилип барылды. Бул арқалы концертке бара алмаған ықласбентлер де концертти тамашалаў имканиятына ийе болды. Концерт қызықлы ўақыяларға бай болды. Жеңисбек 5 жасар баласы Муслим менен биргеликте дуэт айтты.
Қосықтан соң Муслимниң қолы ықласбентлердиң гүллери ҳәм ойыншықлар менен толып кетти. Пиязов баласының аты Муслим Магомаевтың ҳүрметине қойылғанлығын айтып өтти.
Сахибжамал Есемуратова
