Қанлыкөл районындағы «Мәденият» АПЖда 2017-жылы сентябрь айында пайдаланыўға тапсырылған халықтың мәдений дем алыў орайында китапқа естелик орнатылған.
Бул жердеги китаптың сүўрети Қанлыкөлли художник Полат Абдреймов тәрепинен исленген.
«Үстпе-үст турған китаплардың қасында алма мийўеси сүўретленген. Бул көп китап оқып, билимге ийе болған инсан әлбетте, өз билиминиң мийўесин, жемисин көреди деген мазмунды билдиреди», - дейди биз бенен сәўбетте Полат Абдреймов.
Китаптың сыртына Өзбекстан қаҳарманы, белгили шайыр Ибрайым Юсуповтың сүўрети түсирилген.
Сондай-ақ, бул жерде балалардың ҳәм жаслардың дем алыўы ушын шәраятлар жаратылған, киши футбол стадионы, аттракцион, автодром орнатылған.
Сахибжамал Есемуратова
