![](\"http://img.uz/d/2018/05/5aeff50307d1f.jpg\")
Еслеў-мәңгилик, қәдирлеў-уллылықтың белгиси. Сонлықтан социал-экономика факультетиниң руўхыйлық ҳәм ағартыўшылық ислери бойынша декан орынбасары Өсербай Жуманазаров, Экономика кафедрасы оқытыўшылары Роза Қаражанова ҳәм Лола Уразбаевалар Нөкис қаласы «Халықлар дослығы» мәкан пуқаралар жыйынында жасаўшы екинши жер жүзилик урыс ўақтында тылда хызмет еткен Ким Александраның ҳалынан хабар алып, оған ректорат ҳәм факультет жәмәәтиниң таярлаған естелик саўғаларын тапсырды ҳәм материаллық жақтан хошаметледи.
Өзбекстан Республикасы Президентиниң 2018-жыл 16-апрель күнги «Еслеў ҳәм қәдирлеў күнине таярлық көриў ҳәм оны өткериў ис-илажлары ҳаққында»ғы ПҚ-3667-санлы қарарының мазмун ҳәм мәнисин түсиндириў бойынша студент жаслардың арасында үгит-нәсият жумысларын алып барыў, 9-май – еслеў ҳәм қәдирлеў күни»н кең түрде белгилеў мақсетинде екинши жер жүзилик урыс қатнасыўшыларының ҳалынан хабар алыў ҳәм хүрмет көрсетиў илажларының әмелге асырылыўы даўам етпекте.
Мағлыўмат ушын: Ким Александра усы жылы 98 жасын толтырды.
Санобар Акимбаева
