Арал регионы ҳәм аймақлардағы машқалалар менен байланыслы халықаралық конференция өткерилди

Ⱪарақалпақ мәмлекетлик университетинде «Арал регионы ҳәм тутас аймақларда комплексли географиялық изертлеўлердиң машқала ҳәм перспективалары» атамасындағы халықаралық илимий-әмелий конференция болып өтти, деп хабар берди университеттиң рәсмий сайты.
Онда Россия географ-жәмийеттаныўшылар ассоциациясы, Россия Илимлер академиясы Узақ Шығыс бөлиминиң Тыныш океаны География институты, Өзбекстан География жәмийетиниң ағзалары қатнасқан.



Конференциядан гөзленген мақсет, Өзбекстан Республикасы ҳәм қоңсылас мәмлекетлерде алып барылып атырған географиялық изертлеўлердиң нәтийжелери, актуал машқалалары ҳәм жаңа перспективаларын талқылаў, илимлер аралық интеграцияға тийкарланған географиялық изертлеўлер бойынша тәжирийбе алмасыў, аймақлардағы социал-экономикалық, демографиялық ҳәм экологиялық машқалалардың шешимине қаратылған илимий-әмелий пикир ҳәм усынысларды ислеп шығыўдан ибарат.


Сахибжамал Есемуратова