Бүгин, 30-май куни Бердақ атындағы Қарақалпақ мәмлекетлик университети жанындағы Бердақ музейинде Өзбекстан Жазыўшылар Аўқамы ағзалары, Өзбекстан Халық шайырлары менен ушырасыў болып өтти. Онда Өзбекстан халық шайыры Рустам Мусулмон мийманда болды. Ушырасыўды Қарақалпақстан Республикасы Жазыўшылар аўқамы баслығы Кеңесбай Кәримов алып барды.
Дөретиўши жасларды қоллап-қуўатлаў, оларға дурыс жол-жобалар бериў мақсетинде шөлкемлестирилген ушырасыўда китаптың инсан өмириндеги әҳмийети, жаслардың жәмийетте өз орнын табыўда тутқан орны туўралы пикирлер билдирилди. Университеттиң дөретиўши студент-жаслары ушырасыў даўамында өзлерин қызықтырған сораўларына жуўаплар алды.
Сахибжамал Есемуратова
