«Өзиңниң орныңда қалыў ушын «аяқты қолға алып жуўырыў керек»

Информацияның глобалласыўы дәўиринде жасаў жүдә қыйын. Себеби, ҳәр түрли информациялар ағымы инсанды тез шаршатады. Бундай дәўирде заманагөй балаларды, жасларды тәрбиялап атырған оқытыўшылар төмендегише өзгешеликлерди өзинде жәмлеўи керек:
Өзгериў. Бул ең қыйыны, бирақ кәмил инсан болыў ушын бул зәрүр болып есапланады. Оқытыўшылар заманагөй техника ҳәм технологияларды тез өзлестире алыў қәбилетине ийе болыўы керек.
Өз кемшиликлерин тән алыў. Ҳеш нәрсе ислемеген адам ғана қәтеге жол қоймайды. Оқытыўшылар болса, бундай адамлардың топарына кирмейтуғыны анық. Сонлықтан, олар өз ўақтында кемшиликлерин тан ала билиўи керек.
Раўажланыў. Бүгинги дәўир ушын ең керекли қәсийет. «Алиса айналар елинде» шығармасында Қара маликаға айтқанындай, өзиңниң орныңда қалыў ушын «аяқты қолға алып жуўырыў керек». Бул тез пәт пенен раўажланып баратырған заман менен тең қәдем таслаўды қәлесеңиз, өзиңиздиң үстиңизде тынбай ислеўиңиз керек дегенди билдиреди.
Оқытыўшы заманагөй оқыўшылар қандай жасап атырғанлыгын да билиўи зәрүр. Буннан тысқары, оқытыўшы заманагөй оқыўшылар басқаша екенлигин ядында сақлаўы керек. Олар интернетте жасамақта.


Жәлиев Руслан