Нумизматика ҳаққында нелерди билесиз?

Тыйынларды үйрениўши тараўды нумизматика дейди. Ал, оларды изертлеўшилер нумизматлар деп аталады. «Нумизматика» сөзи латыншада «нумисма» «тыйын» деген мәнини аңлатады. Бул пән тыйынлардың сүўретлери, жазыўлар, аўырлығы, қандай металлдан жасалғанын, пул айланысындағы дәрежесин үйрениўши пән. Нумизматика пәни хронология, ишки ҳәм сыртқы саўда тарийхы, археология, экономика, этнография сыяқлы пәнлер ушын үлкен әҳмийетке ийе. Қағаз пулларды (бонистика), медаль, жетон, орденлерди (фалеристика) үйрениў де нумизматика тараўына киреди.
Дәслепки металл тыйынлар эрамыздан алдынғы VII әсирде киши Азияның Лидия мәмлекетинде исленген екен. Тарийхтың белгили бир бөлегин өзинде жәмлеўши тыйынларды үйрениў керек.

Руслан Жәлиев