Бердақ атындағы Қарақалпақ мәмлекетлик университетинде Өзбекстан Республикасы Президентиниң 2018-жылдың 5-июнь күни тастыйықлаған билимлендириў системасына тийисли жаңа «Жоқары оқыў орынларында билимлендириўдиң сапасын арттырыў ҳәм олардың мәмлекетте әмелге асырылып атырған кең көлемли реформаларда белсене қатнасыўын тәмийинлеў бойынша қосымша илажлар ҳаққында»ғы қарарын кең жәмәәтшиликке таныстырыў мақсетинде мәжилис өткерилди.
Мәжилисте қабыл етилген Қарар бойынша кең көлемли түсиндириў жумыслары алып барылды. Жаңа қарарға муўапық, 2018-2019-оқыў жылынан баслап айырым тәлим бағдарлары бойынша оқыў мүддети кеминде үш жыл болған бакалавриат ҳәм кеминде бир жыл болған магистратураның енгизиўи, илимий-педагогикалық жөнелислерге қәнигелескен бағдарламалардың шөлкемлестириўи, жоқары оқыў орынлары бакалавриатына қабыллаў квоталарынан тысқары сырт елли пуқараларды сәўбет тийкарында тест сынақларысыз оқыўға қабыл етиў ҳаққындағы, сондай-ақ, басқада өзгерислер менен таныстырылды.
Мәжилисти университеттиң оқыў ислери бойынша проректоры М.Ибрагимов алып барды.
Сахибжамал Есемуратова
