Бердақ атындағы Қарақалпақ мәмлекетлик университетиниң химиялық технология факультетинде нефть ҳәм газ кәнлерин иске түсириў ҳәм олардан пайдаланыў және нефть ҳәм нефть-газди қайта ислеў технологиясы бакалавр бағдарлары бойынша бирнеше жыллардан берли жоқары мағлыўматлы кадрлар таярланып келинбекте.
Келеси 2018-2019-оқыў жылы ушын нефть ҳәм газ кәнлерин иске түсириў ҳәм олардан пайдаланыў бакалавр бағдарына жәми 80 студент – соннан 55 студент қарақалпақ топары, 25 студент өзбек топарына қабылланады. Қарақалпақ топарына ажыратылған 55 орыннан 15 и мәмлекетлик грант, 40 ы төлемли контракт тийкарында, ал өзбек топары ушын ажыратылған 25 орыннан 5 и мәмлекетлик грант, 20 сы төлемли контракт тийкарында оқыўға қабыл етиледи.
Ал нефть ҳәм нефть-газди қайта ислеў технологиясы бакалавр бағдарына жәми 50 студент, соннан 30 студент қарақалпақ топары, 20 студент өзбек топарына қабылланады. Қарақалпақ топарына ажыратылған 30 орыннан 10 ы мәмлекетлик грант, 20 сы төлемли контракт тийкарында, ал өзбек топары ушын ажыратылған 20 орыннан 5 и мәмлекетлик грант, 15 и төлемли контракт тийкарында оқыўға қабылланады.
Мағлыўмат ушын, өткен 2017-2018-оқыў жылында нефть ҳәм газ кәнлерин иске түсириў ҳәм олардан пайдаланыў бакалавр бағдарына жәми 80 студент, соннан 20 мәмлекетлик грант, 60 төлемли контракт тийкарында, ал нефть ҳәм нефть-газди қайта ислеў технологиясы бакалавр бағдарына жәми 150 студент, соннан 40 мәмлекетлик грант, 110 төлемли контракт тийкарында студентлер қабыл етилген еди.
Ислам Матеков.
Сайтымыздың телеграмдағы каналына ағза болың: https://t.me/karinformuz
