Өзбекстан журналистика ҳәм ғалаба коммуникациялар университети ректоры, журналист, «Халық аралық Пресс Клуб»тың баслығы Шерзод Қудратхўжаев «Ўзбекистон 24» радиоканалындағы «Прайм Тайм» туўрыдан-туўры еситтириўиниң мийманы болды.
Эфир даўамында Шерзод Қудратхўжаев жаңадан шөлкемлестирилген университетке 13-июль сәнесиндеги мағлыўматларға муўапық, 500 ге жақын абитуриенттиң тапсырғанлығын айтып өткен. Қалған еки күн даўамында бул сан 700ге шамаласқан.
Тест сынақлары ҳәм дөретиўшилик имтиханлар үлкен залда (Экспоорай) өткериледи.
Дөретиўшилик имтиханлар ҳәм сәўбетти жоқары оқыў орнының оқытыўшылары емес, мәмлекетлик ҳәм мәмлекетлик емес ғалаба хабар қуралларының тәжирийбели ўәкиллери өткереди. Қудратхўжаевтың айтыўына қарағанда, усы жол менен дөретиўшилик имтиханлардың ашықлығын тәмийинлеўге ерисиў мүмкин.
