Республикамыздың жоқары оқыў орынларына кириў тест сынақларының екинши күни 2-августта болып өтти.
Бас министр орынбасары Азиз Абдуҳакимовтың айтыўынша, тест сынақларында 25 жоқары оқыў орынларының 63 тәлим жөнелисинде 57 мың 849 абитуриент қатнасты, түрли себеплерге көре 1219 абитуриент тест сынақларына келмеген, деп хабар берди kun.uz.
Тест сынақлары тәртип қағыйдаларын бузғаны ушын 486 абитуриент, соннан 251 и аймаққа уялы телефон, шпаргалкалар алып кириўге урынғаны ушын, 235 имарат ишинде шпаргалкадан пайдаланыўға ҳәм басқа абитуриентларге жәрдем бериўге урынғаны ушын тест сынақларынан шетлетилди.
Сахибжамал Есемуратова
