Ташкент финанс институтына жаңа ректор тайынланды. Бул ҳаққында Жоқары ҳәм орта арнаўлы билимлендириў министрлиги хабар бермекте.
Өзбекстан Республикасы Министрлер Кабинетиниң 2018-жыл 3-сентябрьдеги қарары менен Улуғбек Ўктамович Азизов Ташкент финанс институты ректоры лаўазымына тайынланды.
Улуғбек Азизов 1976-жылы Қашқадәрья ўәлаятында туўылған, мағлыўматы жоқары, 1998-жылы Ташкент финанс институтын, 2007-жылы Йокогама Миллий университетин (Япония) питкерген. Экономика илимлериниң кандидаты, доцент.
Усы күнге шекем экономика илимлериниң докторы, профессор Низомиддин Ҳамроевич Ҳайдаров 2017-жылдың 23-май күнинен баслап усы институт ректоры лаўазымында жумыс ислеп киятырған еди.
Ислам Матеков.
Сайтымыздың телеграмдағы каналына ағза болың: https://t.me/karinformuz
