Дүканнан сатып алатуғын қойыўластырылған сүтти (сгущенное молоко) көпшилигимиз нанға жағып жеўди хош көремиз. Олардың қурамында химиялық қоспалар да болыўы мүмкин. Қойыўластырылған сүт керек болып, дүканға барыўға мүмкиншилик болмаса, оны өзиңиз үй шараятында таярласаңыз да болады.
Зәрүрли азықлық затлар:
- 250 мл сүт;
- Ярым стакан унтақланған сүт;
- Ярым стакан қант.
Ҳәммеси де табылатуғын әпиўайы затлар. Дәслеп сүт, қант ҳәм унтақланған сүтти ыдысқа салып, миксер менен араластырамыз. Араласпаны кишилеў кастрюльге яки ыдысқа саламыз.
Ал үлкен кастрюльге суўды қуйып, қайнағанға шекем күтемиз.
Кейин киши кастрюльди ишиндеги араласпасы менен суўы қайнап турған үлкен кастрюльге саламыз. Бир саат даўамында оны араластырамыз. Бир сааттан аз ўақыт сарпласаңыз қойыўластырылған сүт онша уқсамай қалыўы мүмкин.
Кейин оны алып, нанға жағып жеўиңиз мүмкин.
Ислам Матеков.
Сайтымыздың телеграмдағы каналына ағза болың: https://t.me/karinformuz
