Шымбай районы турғыны Магрипа Матжанова райондағы Туберкулез емлеўханасында ислеген дәўириндеги улыўма мийнет стажы 30 жыл 9 ай, соннан арнаўлы стажы 23 жыл 9 айды қурайтуғынлығын, бирақ, Бюджеттен тысқары пенсия қоры Шымбай районы бөлими оның мийнет стажларын есапқа алмастан, аттестация жуўмақлары бойынша жеңилликли жасқа байланыслы пенсия тайынлаў мүмкиншилиги жоқ, деген жуўмақ шығарады. Бул ҳаққында район ҳәкимлигиниң рәсмий сайты хабар бермекте.
Буннан соң М.Матжанова Шымбай районы Ҳәкимшилик судына мүрәжат етиўге мәжбүр болады. М.Матжанованың арзасына ҳәм судта анықланған жағдайларға, сондай-ақ, жумыс ҳүжжетлерине муўапық «Пуқаралардың мәмлекетлик пенсия тәмийнаты ҳаққында»ғы Өзбекстан Республикасы Нызамының 12-статьясында көрсетилген аққырғы жумыс орнына қарамастан және усы Нызамның 7-статьясында белгиленген 5 жылға қысқартылған ҳалда пенсия алыў ҳуқықына ийе болды.
Сайтымыздың телеграмдағы каналына ағза болың: https://t.me/karinformuz
